Sunday, January 15, 2006

الأرض كروية تدور حول نفسها















الأرض كروية تدور حول نفسها ....... عجبتنى اوى الصورة دى لانى خدت بالى من موضوع العلامات دى قبل ما اشوف الصورة الظاهر ان انا والمصور بنفكر زى بعض ههههههههههه فعلا حاجة تلغبط لو واحد مش من القاهرة او واحد ما يعرفش الطرق كويس لما يشوف يافطة زى دى يا ترى هايمشى فى انهى اتجاه؟؟؟؟
وإليكم النص المكتوب على الصورة
يبدو ان وراء هاتين اللافتتين رجل يحب الجغرافيا ويفهم فى التضاريس ويؤمن بكروية الأرض وبإن كله موصل على كله.
فالافتتان تشيران الى امر واحد ...تحددان الطريق للوصول الى شارع صلاح سالم
فى الصورة التى التقطتها عدسة الزميل سمير الغزولى المصور بالأهرام تبدو اللافتة الأولى باللغة العربية ولان اللغة العربية تكتب من اليمين للشمال ، فقد جاء السهم مشير الى اليمين
أما اللافتة الثانية فقد جاءت باللغة الانجليزية التى تكتب من الشمال الى اليمين ، ولذا جاء السهم مشيرا الى الشمال
وهكذا من أراد الوصول الى شارع صلاح سالم فعليه ان يتحرك طبقاً لثقافته فإذا كانت العربية دخل "يمين"ولو كانت الانجليزية دخل "شمال" وفى النهاية ....الأرض كروية وكله هايوصل

11 Comments:

At 1/16/2006 01:00:00 AM, Blogger wa7d mn el e5wat said...

احييك على الصورة الرائعة

و الله بلد عجيبة , فكرتنى بودن جحا

اللافتة دى ابسط مثال على ان الشعب تايه و بقى شعب مساطيل

بينى و بينك ما هو كل حاجة فى البلد كدب و خداع , اشمعنا اللافتات هى اللى حتبقى صح !!!

 
At 1/16/2006 01:04:00 AM, Blogger m_elsewedy said...

شكرا لمرورك على مودنتى البسيطة
وعلى رأيك كل حاجة كدب وخداع فى البلد

 
At 1/16/2006 10:02:00 AM, Blogger bosbos said...

والله صوره تحفه

بس فعلا كل واحد المفروض يمشي حسب ثقافته و في الاخر كله بيوصل على كله
و عجبي

 
At 1/16/2006 12:23:00 PM, Blogger rubyeldaly said...

بلدنا دي عاملة زي الاراجوز في الليلة الكبيرة لما قال ولما تلقي مقلة لب تعرف انك تهت وضعت

 
At 1/16/2006 05:16:00 PM, Blogger change destiny said...

بيقولوا "كل الطرق تؤدي الى روما" لكن في بلدنا الحبيبة كل الطرق تؤدي لروما لحد ما الواحد يتنيل على عينه يعوز يروح روما و ساعتها كل الطرق بتودي ميدان التحرير . سبحان الله

شكرا لزيارتك مدونتي

 
At 1/16/2006 05:27:00 PM, Blogger m_elsewedy said...

change destiny شكرا على مرورك الكريم

وان شاء الله تروحى التحرير اللى هى روما ورمسيس اللى هى باريس هههههههههههههه

 
At 1/17/2006 05:14:00 PM, Blogger Didos said...

that's so interesting

 
At 1/17/2006 10:22:00 PM, Blogger Angel From Hell said...

انا بجد مش عارف اقولك أيه بس الموضوع ابسط من كده كل الحكايه أنك لو عربى يبقى هاتمشى يمين ولو انت اجنبى هاتمشى شمال ولو أنت مش بتعرف تقرى يبقى ماتنزل من أساسه بس المشكله مش فى كده المشكله أنه صلاح سالم لايمين ولاشمال ومش دا المهم.. المهم أن اليافطه موجوده يمين بقى ولاشمال مش هاتفرق المهم أن أى حد يبص يلاقيها موجوده وبس ......!!!!

 
At 1/17/2006 11:10:00 PM, Blogger m_elsewedy said...

ههههههههههههههههههههههههههههههه
صحيح صلاح سالم دوغرى على طول ولا يمين ولا شمال بس لو طالع من شارع جانبى هايبقى فى يمين وشمال يا فالح بس على رأيك المهم اليافطة تكون موجودة ان شالله لو هيروغليفى بيتعبوا جدا يا جدع

 
At 1/23/2006 01:35:00 AM, Blogger Bent Masreya said...

تصور انى شفت العلامة دى بنفسى
لما خرنا من معرض الكتاب، ومشينا فى شارع صلاح سالم، شفت اليافطة واخدت بالى، قامت روز صاحبة بلوج روزز وايام الحب والحماقة قالت لى انها قريت عن اليافطة دى، وان الارض كروية
ههههههههههههه

 
At 1/23/2006 07:57:00 AM, Blogger m_elsewedy said...

ههههههههههههههههه يا خبر ابيض اتشهرت يا واد يا سويدى

:P
منورررررررررررة يا زيزى

 

Post a Comment

<< Home