Friday, January 20, 2006

عطشان تعالى اشرب



أوه لا لا
وتتوالى لقطات المصورين النادرة بالشوارع لنجد لقطة طريفة لسائق تاكسى معلق أولة مياه على شبكة السيارة أيوة الله أولة مياه
طب أنا عايز اعرف يعنى هو مش ممكن لو فرمل جامد شوية تروح الأولة واقعة متدشدشة فوق دماغ واحد قصير ماشى فى الشارع لا حول له ولا قوة ممكن ولا مش ممكن؟ ولو عايز يشرب مثلا يمد ايده يجيبها ولا يقف على جمب ويشرب؟؟ ولا ايه ظروفه الراجل ده حاجة تحير والله
والله الشعب المصرى ده شعب لذيذ مووووووووووت وبياخد كل حاجة ببساطة
واليكم النص المكتوب على الصورة
يا رايق !! على كوبرى أكتوبر التقطت عدسة أخبار الناس هذه اللقطة لسائق تاكسى يسير بسيارته التى تحمل مشهداً فكاهياً من وجهة نظر كل من يشاهده فقد علق (قلة مياه) فى مقدمة شبكة السيارة ليشرب منها عند اللزوم وليس هناك مانع من عزومة الركاب على مياه مثلجة

19 Comments:

At 1/20/2006 08:18:00 PM, Blogger change destiny said...

ينفع كدة ؟ خليت كل الناس دي تبص للجدع في بق المية اللي حيشربه

و بعدين افرض حد قصير قرا البوست دة مش حتجرح احساساته و يقلك طب ما هي ممكن ترشق في قفا واحد طويل معدي الشارع .

على فكرة أنا طويلة بس بغلس يعني

 
At 1/20/2006 09:26:00 PM, Blogger m_elsewedy said...

هههههههههههههههه تصدقى صحيح انا نسيت ان لو فى حد قصير هايزعل منى بس لا لا ماحدش بيزعل منى :P

شكرا ليكى على مرورك وتعليقك اللذيذ

 
At 1/21/2006 12:52:00 AM, Blogger taty said...

معاك حق والله الأيام دي الشوارع هم يضحك و هم يبكي
بس أنا بقا عايزة أشكــــــــــــرك و أحييك على ذوقك الرفيع و أغنية صدفة لعايدة الأيوبي
أنا أول مادخلت و سمعتها فرحت قوووي إن لسة في ناس فاكراها و بتحبها
إيه دة؟؟ أنا هعمل بوست لأعز الناس هنا والا إيه؟
بس بجد ذووقك جمييل و أذنك موسيقية

 
At 1/21/2006 05:24:00 AM, Blogger adhm said...

انا عملت فى سعادتك خدمة العمر
العداد بقى 300 بزيارتى
يا بختك

 
At 1/21/2006 09:04:00 PM, Blogger m_elsewedy said...

taty الله يخليكى يا جميل ده بس نمن ذوقك وفعلا عايدة الأيوبى قليل اوى اللى بيسمعلها هى فنانة اكثر من رائعة

وحكاية هاتعملى بوست لأعز الناس هنا دى ده أنا يزدنى شرف والله ده كفاية زيارتك انتى وبسبس للبلوج

شكرا لمرورك

 
At 1/21/2006 09:06:00 PM, Blogger m_elsewedy said...

أدهم تصدق من غيرك مش عارف كنت هاعمل ايه انت حققتلى امنية كنت دايماً بحلم بيها 300 مرة واحدة؟:D:P

شكرا لمرورك الكريم

 
At 1/22/2006 01:53:00 AM, Blogger wa7d mn el e5wat said...

با بنى مصر ام الدنيا !!!!
توقع اى حاجة , الراجل عامل حسابه انه حيقف 3 او 4 ساعات فوق الكوبرى , بيفكر صح :)

طب بلاش ده , طب والبيعلة فردة جزمة , وللا اسطوانة علة المريا

يا ريس الشعب اتجنننننننننن

بس بجد مواضيعك لذيذة موووت

 
At 1/22/2006 02:28:00 PM, Blogger bosbos said...

الشعب ولا اتجنن ولا حاجه يا ناس الشعب زي الفل

الفكره كلها ان الدنيا حر والراجل ده على باب الله طول اليوم يعني لو خد زجاجه ميه من بيته هتسخن و تولع في ثواني و طبعا هو معندوش رفاهية شرا زجاجة ميه معدنيه من الباعه النتشرين في كل حته
هيعمل ايه يعني يموت نفسه من العطش اللي عمله ده و ان دل على شيء هيدل على خفة دم الشعب المصري مهما كانت الظروف
واهو هم يضحك و هم يبكي

معلش طولت عليكو

 
At 1/22/2006 04:14:00 PM, Blogger DareDevil said...

nice post :)

 
At 1/22/2006 11:44:00 PM, Blogger m_elsewedy said...

bosbos
كلامك صح تمام ماحدش يقدر يقول ان الشعب المصرى اتجنن ولكن نقول خفة دم
وطبعا ما طولتيش ولاحاجة بس لو عايزة تأجرى البلوج مافيش مشاكل هاعملك تخفيض
:P

daredivel
الله يخليك يا رافع معنوياتى ومنورنى فى البلوج والله

 
At 1/23/2006 08:01:00 AM, Blogger m_elsewedy said...

wa7d mn el e5wat
بشوف انا فعلا اللى معلق فردة جزمة ده عشان الحسد مش عارف هاتعمله ايه الجزمة هههههههههههههه

بالنسبة بقى لمواضيعى مش هاتيجى حاجة جمب مواضيعك اللى بتفطسنى من الضحك

شكرا ليك

 
At 1/24/2006 02:16:00 PM, Blogger tamer said...

السائق دة بيفكر والدليل قدرتة على تلببية مايحتاج بطريقة مبتكرة جديدة


بس والله فكرتها حلوة دمها خفيف رغم اعتبرها من الغرائب


شكر سويدى على البوست الجميل

 
At 1/24/2006 04:43:00 PM, Blogger عاشق للبنات said...

حاجة غريبة

ههههههههههههه

بس تضحك

يعمل اية مسكين الجو حر


بوست حلو سويدى

 
At 1/24/2006 05:29:00 PM, Blogger m_elsewedy said...

tamer
منورنى دايما والله هى فعلا من الغرائب عشان كدة اختارتها وقلت تشفوها كلكوا

عاشق للبنات
انت عارف الجو حر فعلا
شكرا على مرورك

 
At 1/29/2006 06:54:00 PM, Blogger Moia said...

انا خايفه الراجل يمد ايده عشان يشرب يطسه اتوبيس يقطع ايده ولا حاجه تبقى مشكله

 
At 1/30/2006 08:37:00 AM, Blogger m_elsewedy said...

ههههههههههههههههههههههههه
تصدقى ممكن بس مش مهم ايده تتقطع المهم الأولة ما تتكسرش
:D

 
At 1/30/2006 10:12:00 AM, Blogger tamer said...

عزيزى سويدى

كنت عايز استفسر منك فى بعض اشياء

ازى احط عندى بالمدونة مدونات صديقة على اليمين كما انت واضع افضل المدونات


ومعى رابط متحرك ايد ان اضعة مثلك اعلى الصفحة كيف اقوم بها

وبالنسبة لصندوق الشات ازى اضعة ايضا

انا اسف على الازعاج بس عايز اعرف ازى لانى نفسى اعملها عندى ومش عارف

ارجو افادتى

والى الامام

 
At 1/31/2006 01:19:00 AM, Blogger m_elsewedy said...

tamer
ده الايميل بتاعى m_elsewedy@hotmail.com
سجلنى على الماسنجر عندك وطبعا اى حد عايز يسجلنى مافيش مانع يا جماعة
واقولك الخطوات واحدة واحدة على الماسنجر افضل أوك؟

 
At 1/31/2006 12:31:00 PM, Blogger tamer said...

عزيزى سويدى


الف شكر

وقومت بتسجيلك عندى

 

Post a Comment

<< Home