حب من طرف واحد
طول ما انا ماشى فى الشارع بتأمل دايماً اللى حوالية ناس
رايحة وناس جاية ولو عنية وقعت على بنت حلوة مش هاقعد ابصلها طبعا عشان حرام ولكن بتمنى انى اللى اتجوزها تكون بالجمال ده ....
وكل مرة على كدة لغايت ما بقيت احب اى بنت جميلة اشوفها من طرف واحد (مع العلم انى مش بشوفها تانى خااااالص) هههههههههه...
لغايت وانا فى محاضرة فى مرة واقف مع احد اصدقائى ولاقيته عرفنى بواحدة كانت جميلة اوى برضو بصيتلها وقلت يا سلام لو اللى اتجوزها تكون جميلة كدة وطبعا مع سرحان وارجع اقول ياض اسكت لسة بدرى لما تخلص بس الدراسة تبقى تهتم بالموضوع ده والحمد لله الواحد بيشتغل مش ناقص بس غير انى اخلص واخد الشهادة
المهم اتعرفنا وبقيت الحكاية سلامات سلامات على الطاير كدة وبعدها بسنة السلام بقى يطول شوية ونقف نرغى وبعدها اتعرفنا على بعض اكتر بعد ما عدى تقريبا سنة ونص حسيت طبعا تجاهها بمشاعر خاصة وابتدى المشوار شوية اهتمام منى على شوية اهتمام منها اكتشفت فى الاخر ان ده الطبيعى بتاعها ...طيب انا اوى
بعد كدة ياض افاتحها بالارتباط ولا لا مرة اقول اه افاتحها ومرة اقول لا استنى لغايت ما قلتلها وكنت واخد الموضوع جد فعلا يعنى اول ما اخلص هاتقدم ومعرفش ايه والموضوع ياخد مجراه الطبيعى وكان ردها لا خلينا اخوات احسن ، أن أن اااااااااااااااه واجيلها يمين وشمال وهى ولا الهوا وسبب الرفض انها مش بتفكر فى المواضيع دى دلوقتى واكتشفت انى برضو بحب من طرف وااااحد حتى لما ابتديت فى الجد طلعت بحب من طرف واحد ...فقرى انا
ما نجيلكمش فى طرف واحد سلااااااام
posted by m_elsewedy @ 4:08 PM
6 comments
