ما بين طريقة برايل والقصة الكلاسيكية
كل سنة وكل البلوجرية طيبين ورمضان كررررررررريم
---------------
ركبت المترو زى كل يوم وطبعا بدأت التأمل فى اللى حوالية كالعادة لحسن انا مش بعرف اقرا حاجة فى المترو او اى
حاجة ماشية عامة بتعب وعينى بتوجعنى ما علينا بس بحاول اغصب على نفسى واقرا بس مش كتير المهم ما علينا فا بقعد اتفرج على البشر ، ركب واحد كفيف ومعاه شنطة بلاستيك وواحد تطوع وقام وقعده قعد الكفيف وطلع كتاب كبير وقعد يقرا والناس كلها مبحلقة للراجل وانا كنت اولهم لانى دى كانت اول مرة اشوف حد كفيف بيقرا بطريقة برايل ساعتها حمدت ربنا على نعمة النظر هو كان بيقرا قرآن غالبا لانه ملتحى وكان بيردد الكلام اللى بيقراه فى سره بطريقة تشبه قارىء القرآن بس اللى استغربتله انه كان بيقرا من الشمال لليمين ولما قريت عن طريقة برايل عرفت انها بتتقرى من ضهر الصفحة يعنى من الشمال لليمين هو ده اللى فهمته وسرحت معاه وهو بيقرا
جه جمبه واحد وقعد جمبه بالظبط ومعاه قصة اعتقد انها كلاسيكية اسمها
The Vectoria and The triton
وهو كمان بدأ يقرا وشوية لاقيته سرح وقعد يتفرج على الكفيف اللى بيقرا جمبه- بصراحة خطف انظارنا كلنا
بصوا الارادة بتوصل لفين ؟؟ ما حسسناش انه كفيف ولا كمان حسس نفسه وتعامل بشكل طبيعى جدا
الحمد لله على نعمه الكثيرة
21 Comments:
انت عارف
انا اتعرفت على بنت كفيفه في المصيف برضه بهرتني كده و كنت ناويه اكتب عنها انشاءالله قريب بس لما اروق شويه
الحمدلله على كل نعمه و ابتلاءاته
اخيرا ياراجل ....... انا كنت يأست انك تكتب كتاباتك اللذيذه دي تاني بعد انقطاع طووووووووووووويل
حمد الله عالسلامه و كل سنه وانت و رمضان طيبين
كل سنة وانت بألف خير
اتمنى تشرفنى فى مدونتى
دموع الكحل
كل سنة و انت طيب يا سويدي
رمضان كريم
فعلاً ربنا نعمه علينا كتير جداً و احنا مش حاسين بيها
الحمد لله
سويدى
كل سنة وانت طيب
تعرف انه مش بس لفت انظاركم
لأ
لفت انظاركم انه بيقرا
وانت نفسك فكرت فى الموضوع
وكمان بيقرا قرآن
وأكيد رجعت تدور على اقرب مصحف
تخيل الراجل دة أخد ثواب اد ايه
ربنا يكرمه ويعوضه ولو ان العين اغلى ما عند اى حد
تعرف انه خلانى افكر كتير انا كمان
فعلا الارادة دى نعمة من ربنا
بسبسسس
مستنينك تكتبىى
نوووور
الله يسلمك وانت طيب ورمضان بيسلم عليك
:D
وليد
وانت طيب
حاضر هاعدى عليك يا فندم
تاتىىىىىىىىىى
وانتى طيبةةةةةةة
والحمد لله على كل شىء ومستنيكى تكتبى انتى كمان
حلم
منورة والله
بصراحة انا ما رجعتش مسكت مصحف يوميها بس اثر فية اوى
اولا كل سنه وانت طيب مع انها متاخرة ورمضان كريم كنت عاوز اقوللك ان ربنا ادى الناس نعمه كبيرة اوووى اسمها الارادة ومن وجهه نظرى الارادة دى ممكن تفجر طاقات فى المخ كبيرة اووىو تخلى الانسان يبدع حتى لو هو من اصحاب الظروف الخاصه وربنا يديم علينا وعايك وعلى كل المدونين جميع النعم
لقطة جميلة بتحسسنا بنعم من الله علينا بها وقد لاندركها احيانا
و انت طيب و متبقاش تتأخر في الكتابة اكتب بالتي هي أحسن
الف سلامه يا رجل
وكل سنه وانت طيب
الحمد الله الذي عافاني مما ابتلى بيه غيري
بقولها كتير
بس بتبهر برده من قوة ارادة ناس في ظروف زي دي
اولا كل سنه و انت طيب رغم انها متاخره
ثانياالحمد لله على نعمه البصر
بس انت عارف انهم عندهم بصيره احسن من غيرهم و عندهم قدره مش عندحد
ده في ناس بتشوف بعنيها بس قلبها اعمى
عندي قصص كتير عن اخوانا المكفوفين بحكم انهم كانوا معايا في الجامعة، ولحد قريب كنت ماشي بوصل واحد منهم بيعمل دراسات عليا.
مش عايز أقولك أزاي حجم التحدي اللي جواه.
بيركب مواصلات لوحده من الجيزه لحد شبرا .
ويعدي شوارع لوحده ... يوم ما بيحتاج حد بيطلب وبعدين يكمل طريقه .
**
للأسف ناس كتير مش بتفكر في الفئة دي .
عمر
مشرفنى والله
وربنا يديم علينا نعمة يارب
شقير
المشكلة ان احنا فى حاجات كتير لا ندركها وفى نعم كتير اوى من غير ما نحمد ربنا عليها
ندى
من عنية الاتنين وانتى كمان ما تتأخريش البلوجز بتبقى ضلمة اوى
:D
أجدع واحد فى الشارع
الله يسلمك وانت طيب
لمياء
الحمد الله الذي عافاني مما ابتلى بيه غيري
انا كمان بقولها كتير جدا
وكمان بتبهر بيهم
انا اعرف واحد ابن زميل لية فى الشغل كان بيشتغل على الكمبيوتر زيه زى اى انسان عادى
مبهر جدااااا
ام العيال
وانتى طيبة ومش متأخرة ولا حاجة ماهو العيد قرب يبقى انتى كدة قايلاها بدرى
:P
فعلا فى ناس كتير قلبها اعمى اسألى مجرب قابلت نوعيات زى دى كتير
عبده باشا
منور والله
لا لا متهيألى فى جمعيات كتير مهتمة بيهم بس طبعا مش بكفاءة عالية لضعف هذه المؤسساتن فى بلدنا النتقدمة جدا مصر
:D
الحمد الله علي نعم الله علينا
و فعلا..انا برده بانبهر فزملاء لي بكليتي و ما شاء الله كمان من المتوفقين
ربنا يعينهم يا رب
و يكرمنا احنا كمان
:D
كل سنة و انت طيب يا باشا
ازيك سويدى
كل سنة وانت طيب
بوست راءئع
تحياتى
كل سنة وانت طيب يا سويدييييييييييييييييي
و ينعاد عليك بألف خيررررر
و متنساناش في الكحك والبسكوت يا مان ;)
Epitaph
وانتى طيبة يا جميللل
tamer
انا الحمد لله تمام انت عامل ايه
وشكرا يا باشا وكل سنة وانت طيب
دنيتى
وانتى طيبةةةةةةة
والله ليكى واحشة انتى فين مش باينة؟؟
والبلوج بتاعك مش عارف ماله
على العموم هاجيبلك كحك ما تقلقيش وبيتى فور كمان
:D
ربنا يخليك يا فندم
انا اهو تحت الهدوم
و البلوج مفيهوش حاجة انا اللي مسحته ;)
كويس انك بخير
ليه مسحتيه؟؟؟
christian louboutin
christian louboutin shoes
christian louboutin sale
discount christian louboutin
Christian Louboutin Boots
Christian Louboutin Pumps
Christian Louboutin Sandals
christian louboutin heels
Christian Louboutin Short Boots
Christian Louboutin Spring Collection
Christian Louboutin Tall Boots
discount Christian Louboutin Boots
discount Christian Louboutin Pumps
discount Christian Louboutin Sandals
discount christian louboutin heels
discount Christian Louboutin Short Boots
discount Christian Louboutin Tall Boots
Christian Louboutin Boots Sale
http://www.christianlouboutinshoes88.com/
Post a Comment
<< Home